Tu Sundarta Ka Roop

Ek masoom kali Ki khilti si muskano me,
Teri khatir jagte sote armano me....
Jab hasti to sangeet sunai dete hai...
Teri awaj ke bhukhe mere kaano me..


Tu bhor me patto pe padti Si osh koi,
Tu sundarta Ki madira me madhosh koi..
Tujhko pakar sab barbas pagal hote honge,
Deewaano ko isme do naa dosh koi..


Uff ye qaatil Ki aankhe hathiyaro Si,
Duahman ko bhi chhalni karti yaro Si..
Jannat Ki tu jaise koi hoor Pari,
Mere ghar Si galiyo Si chaubaaro Si...


Teri khushbu koi kamuk Sa itra priye,
Tu Chanchal Shokh hasina badi vichitra priye,
Seene me har lamha lekar firta Hu,
Tere kamuk se roop ka Mai har Chitra priye...

Aana Hai Lautkar

Jo Jaa Rahe ho ek din aana hai lautkar,
 Adhure hai kuchh wade nibhana hai lautkar..


 Beshaq diya hai tumko dard-e-Ashiqui ka Gham,
 Par fir bhi mere dil ko hasana hai lautkar..


 Chahat badi thi ek din aagosh me beete,
 Seene me mujhko pyar se lagana hai laukar..


 Kedar ne khud ko hi paraya sa kar diya,
 Ek baar fir se apna banana hai lautkar..


 Benoor sa bejaan sa berang tere bin,
 Tumko mera jahan sajana hai lautkar..


 Tu tab bhi ab bhi aur qayamat talak meri,
 Ye baat is jahaan ko btana hai lautkar...


 Jo JAA RAHE HO EK DIN AANA HAI LAUTKAR,
 AANA HAI LAUTKAR....
 AANA HAI LAUTKAR....

JAB YAAD TUMHARI AAYEGI

AANKHE TAR KAR JAUGA,
 Har raat basar kar jauga,
 Jab yaad tumhari aayegi..
 Dhadkan ye tham jayegi,
 Mai jeete ji mar jauga,
 Jab yaad tumhari aayegi..


 Har pal har lamha Haath tham kar,
 Sath chala hum karte the,
 Us lamhe ka afsana
 mai har lamha dohrauga,
 Jab yaad tumhari aayegi..


 Jeene ko bus naam tumhara,
 kafi tha mere humdum,
 naam tumhara le lekar,
 har saans zuda kar lauga,
 Jab yaad tumhari aayegi..


 Sooni galiyo me tera hi,
 Ek aqsh nazar sa aata hai,
 Wo aqsh basakar aankho me,
 Nazre dhoomil kar jauga,
 Jab yaad tumhari aayegi..


 Ye noorani tera chehra,
 Ye roohani teri baate,
 Seene me basakar yaado ko,
 Mai khaad zadaa ho jauga,
 Jab yaad tumhari aayegi..


 Raato ko jab bhi sota hu,
 Khwab tumhare ate hai,
 Khwabo ko tabeer banakar,
 Sazde me jhuk jauga,
 Jab yaad tumhari aayegi..


 Humsaya banker jeeta tha,
 Sath tere har lamhe ko,
 Us lamhe se sath churakar,
 Ashq ban mar jauga,
 Jab yaad tumhari aayegi…